إيه غيرك
هو قمري فى سماه فقد سحره
همسات بقلم كريمة السيد
إيه غيرك هو قمري
بغيري وقستك ونستك قلبي
وهواه؟
إيه غيرك ؟
هو زماني أمرك تبيع ودي وحناني
بأرخص تمن ولا أنت بطبعك بياع
خداع أناني وعلى نبض قلبي غير
مؤتمن؟
إيه غيرك؟
إياك تقولي أن الظروف علمتك
التخاذل والتنازل والخوف ولا
كلام الناس علمك تفقد الرحمة
وصدق الإحساس
إيه غيرك؟
قبل ماتجاوب خد وقتك الكافي
من التفكير وحَكِم فى ردك العقل
والمنطق والضمير
وراجع سجل الذكريات وحدد بكل
أمانة مين فينا خان الأمانة ونسي
العهود والوعود وروعة الحكايات
ومين أختار يبعد ويهجر مع سبق
العند والإصرار ويغزل من خيوط
الوهم شال يحجب شعاع الشمس
لجل مايغيب النهار؟
ياريت توضح من غير ماتجرح
قلب كان يتمنى يفرح ويلقى بين
أهل السعادة فى الدنيا دي مطرح
……………………..
إيه غيرك هو قمري
